A organización do Ribadeo Indiano, co patrocinio de Vegalsa (HiperEroski Ribadeo) e Be One, convoca o CERTAME BENÉFICO DE PINTURA AO AIRE LIBRE RIBADEO INDIANO. Este evento esta concibido como un acto benéfico, no que os ingresos serán destinados ao Hospital Hijas de Galicia. Esta institución, ubicada en A Habana (Cuba), naceu en 1917 para defender, apoiar e asistir ás mulleres galegas e que o pasado 20 de xaneiro este hospital veuse afectado por un tornado. Así, os participantes deberán doar a súas obras, co fin de ser subastadas ou postas á venda, para destinar os fondos obtidos a esta institución.
O certame de pintura terá lugar o sábado 13 de xullo, nos diversos espazos onde teñen lugar as actividades deste evento, no casco urbano de Ribadeo.
Este concurso está dirixido a pintores/as, tanto profesionais como afeccionados, establecéndose dúas categorías:
- Adulto a partir de 16 anos inclusive.
- Infantil a partir de 7 anos inclusive.
A inscrición será gratuíta e estará aberta até o día 13 de xullo ás 10.30h. Os interesados/as poderán inscribirse no correo ribadeoindiano19@gmail.com, indicando nome, apelidos, teléfono de contacto e lugar de procedencia. Para calquera dúbida ou aclaración poderán chamar ao 982 128 689 ou 982 128 650 (Área de Desenvolvemento Local).
PREMIOS
Categoría adulta:
- 1º. 400 euros e diploman patrocinado por Vegalsa (Hipereroski Ribadeo).
- 2º. 200 euros e diploma patrocinado por Be One.
- 3º. 100 euros e diploma patrocinado por Be One.
Categoría infantil:
- 1º. Pack de libros e diploma.
- 2º. Pack de libros e diploma
- 3º. Pack de libros e diploma
As obras serán subastadas nun acto público que terá lugar o domingo 14 de xullo, no Quiosco da Música do parque de San Francisco ás 13.00h.
